Bölgələrdə “Şəhadət” sənədli filminin nümayişi davam etdirilir

Press-relizlər / 07.02.2018 / 09:05

Fevralın 6-da Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin və Xaçmaz Rayon İcra Hakimiyyətinin (RİH) birgə təşkilatçılığı ilə Xaçmaz rayonu Nərəcan kəndində “Vətən sevgisi imandandır” adlı tədbir keçirilib.
Tədbirdə DQİDK-nın Quba bölgəsi üzrə şöbəsinin müdir müavini Ramin Xudayev, Xaçmaz RİH başçısı Aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Ceyhun Musayev, Xaçmaz rayonu Nərəcan kənd ictimaiyyəti, o cümlədən ziyalılar, gənclər və dindarlar iştirak ediblər.
DQİDK-nın Quba bölgəsi üzrə şöbəsinin müdir müavini Ramin Xudayev tədbirdə geniş məruzə ilə çıxış edərək qeyd edib ki, dini biliyi az olan gənclər aldadılır, radikal qrupların əlində alətə çevirilir, daha sonra isə onlardan müharibə ocaqlarında qeyri-qanuni hərbi birləşmələrin tərkibində istifadə edilir. O “Şəhadət” sənədli filmində də bu məqamlara toxunulduğunu vurğulayıb. R. Xudayev bildirib ki, Vətənə, doğma torpağa sevgini də imanın təzahürü kimi qəbul etmək lazımdır. Belə ki, İslamın inanc konsepsiyasının sütunlarından biri Vətənə sevgidir. 
Daha sonra çıxış edən Xaçmaz RİH başçısı Aparatının nümayəndəsi Ceyhun Musayev deyib ki, Azərbaycan dünyada tolerantlıq və multikultural dəyərlər baxımından nümunə olan ölkələrdəndir. 2017-ci ilin Azərbaycan Respublikasının Prezidenti cənab İlham Əliyev tərəfindən “İslam Həmrəyliyi İli” elan olunması və ötən il çərçivəsində təkcə yerli səviyyədə deyil, beynəlxalq aləmdə həyata keçirilən tədbirlər, ölkəmizin ortaya qoyduğu həmrəylik prinsipləri dünya dövlətlərinin diqqətini özünə çəkib.  
Sonda Dövlət Komitəsinin sifarişi ilə ərsəyə gələn “Şəhadət” sənədli filmi nümayiş etdirilib. 


Son baxılan xəbərlər

“Aprel döyüşləri – tariximizin şanlı səhifəsi” mövzusunda tədbir keçirilib

Press-relizlər
05.04.2019 / 11:43
Ətraflı oxu

Dövlət Komitəsinin sədri Yəhudi Teleqraf Agentliyinə müsahibə verib

Xəbərlər
16.12.2019 / 16:40
Ətraflı oxu

Bakıda "Uşaq və gənclərin mənəvi inkişafı: necə və nə etməli?” mövzusunda konfrans keçirilib

Xəbərlər
31.10.2018 / 17:16
Ətraflı oxu

Masallıda "Gənclərin zərərli vərdişlərdən və radikal təsirlərdən qorunması” mövzusu müzakirə olunub

Press-relizlər
06.11.2018 / 10:15
Ətraflı oxu

Bakıda “Din və multikultural təhlükəsizlik” mövzusunda konfrans keçirilib

Press-relizlər
16.12.2019 / 17:11
Ətraflı oxu

Prezident İlham Əliyev: “Multikulturalizm Azərbaycanda dövlət siyasətinin mühüm tərkib hissəsidir”

Xəbərlər
02.05.2019 / 15:09
Ətraflı oxu