Şəkidə dini radikalizm və onun fəsadları müzakirə olunub

Press-relizlər / 16.11.2017 / 16:15

Noyabrın 16-da Dini Qurumlarla İş üzrə Dövlət Komitəsinin (DQİDK) və Ədliyyə Nazirliyi Penitensiar Xidmətinin birgə Tədbirlər Planına uyğun olaraq Şəki Penitensiar Müəssisəsində “Dini radikalizm və onun fəsadları” mövzusunda tədbir keçirilib.
Tədbirdə DQİDK-nın Şəki bölgəsi üzrə şöbəsinin müdiri Gündüz Paşayev, QMİ-nin Şəki-Oğuz bölgəsi üzrə qazısı Kamran Məmmədov, müəssisənin rəis müavini, ədliyyə mayoru Rəmzi Qafarov və məhkumlar iştirak ediblər.
Tədbiri giriş sözü ilə açan müəssisənin rəis müavini, ədliyyə mayoru Rəmzi Qafarov dini radikalizmin zərərləri barədə məhkumların məlumatlandırılmasının əhəmiyyətinə toxunaraq bu istiqamətdə görülən tədbirlərin vacibliyini vurğulayıb.
Tədbirdə çıxış edən DQİDK-nın Şəki bölgəsi üzrə şöbəsinin müdiri Gündüz Paşayev dini radikalizmin meydana gətirdiyi fəsadlar haqqında məhkumlara geniş məlumat verib. Bildirilib ki, dini radikal fikirli insanlar cəmiyyətdə mövcud olan birgəyaşayış ənənəsinə zərbə vurmaqla yanaşı, dini məlumatların öz məqsədləri üçün təhrifinə də yol verirlər. Natiq qeyd edib ki, hazırda ölkəmizdə dini maarifləndirmə sahəsində həyata keçirilən tədbirlər dini radikalizmlə mübarizədə mühüm rol oynayır.
Sonda çıxış edən QMİ-nin Şəki-Oğuz bölgəsi üzrə qazısı Kamran Məmmədov İslam dininin sülhsevər, humanist və həmrəylik ideyaları ilə zəngin olduğunu, terror dini deyil, sülh və birlik dini olduğunu vurğulayıb.
Yekunda tədbir iştirakçılarını maraqlandıran suallar cavablandırılıb.   


Son baxılan xəbərlər

Dövlət Komitəsinin sədri Avropa İttifaqının nümayəndə heyəti ilə görüşüb

Press-relizlər
29.10.2018 / 16:48
Ətraflı oxu

Dini Qurumlarla İş üzrə Dövlət Komitəsi Xocalı soyqırımının 25-ci ildönümü münasibətilə anım tədbiri keçirib

Press-relizlər
24.02.2017 / 15:30
Ətraflı oxu

15 İyun - Milli Qurtuluş Günü Azərbaycan dövlətçiliyinin xilas günüdür

Press-relizlər
14.06.2018 / 18:00
Ətraflı oxu

DQİDK-nın şöbə müdiri ATƏT- in İnsan Ölçüsü üzrə birinci Əlavə Görüşünün videokonfransına qatılıb

Press-relizlər
31.05.2020 / 14:29
Ətraflı oxu

İslam humanizm və həmrəylik dinidir

Press-relizlər
25.01.2018 / 15:18
Ətraflı oxu

“Dini radikalizmlə mübarizədə maarifləndirmənin rolu” mövzusunda tədbir təşkil olunub

Press-relizlər
08.11.2019 / 09:18
Ətraflı oxu