Dövlət Komitəsi: İraqda qalan digər azərbaycanlı uşaqlarla bağlı müəyyən informasiyalar var

Açıqlama / 17.10.2017 / 12:25

Azərbaycandan xaricdə qanunsuz silahlı birləşmələrə qoşulanların əksəriyyəti indi oradan qaçmağa çalışır.
Bunu Trend-ə Dini Qurumlarla İş üzrə Dövlət Komitəsinin sədr müavini Səyavuş Heydərov deyib.
S.Heydərov bildirib ki, həmin insanlar ora aldanıb getdiklərini başa düşüblər: "Aldanıb gediblər və orada tamam başqa mühitə düşüblər. Sonradan səhv etdiklərini, aldandıqlarını anlayıblar. Ona görə də oradan qaçmağa, ölkəyə dönməyə çalışırlar. Təbiidir ki, onlar ölkəyə qayıdan zaman məsuliyyətə cəlb olunurlar. Bir çoxlarının isə vətəndaşlığı ləğv olunub. Buna görə də oradan qaçıb Azərbaycana yox, digər ölkələrə üz tutur və həmin ərazilərdə gizlənirlər.
Lakin onlar digər ölkələrdə olsalar da, Azərbaycanın hüquq-mühafizə orqanları həmin şəxslərin müəyyənləşdirilib ölkəyə gətirilməsi ilə məşğuldur. Yəni, Azərbaycandan gedib qanunsuz silahlı birləşmələrə qoşulanların hər birinin məsuliyyəti var və ona görə də onlar qanun qarşısında cavab verəcəklər".
Komitə sədrinin müavini bildirib ki, son dövrlərdə xaricdə qanunsuz silahlı birləşmələrə qoşulmaq üçün Azərbaycandan gediş qeydə alınmayıb, əksinə, oradan dönüş prosesi başlayıb: "İndi İraqda azərbaycanlı uşaqlar qalıb, onlar orada uşaq evlərinə verilib. Azərbaycanın müvafiq qurumları İraq hökuməti ilə danışıqlar aparır. Orada uşaq evlərindəki bizim uşaqları müəyyənləşdirib ölkəyə gətirilməsi prosesinə başlanılıb. Bir uşaq artıq gətirilib, digərləri ilə bağlı da müəyyənləşmələr var və artıq iş gedir ki, onlar da ölkəyə gətirilsin".

 

Son baxılan xəbərlər

"Azərbaycanda dini məsələ: təhdidlər və hədəflər. İdeoloji, milli, ictimai təhlükəsizlik müstəvisində" adlı kitab nəşr ...

Kitablar
19.01.2017 / 13:52
Ətraflı oxu

Qubada dini radikalizmlə mübarizə yolları müzakirə olundu

Press-relizlər
24.06.2016 / 11:14
Ətraflı oxu

Pirallahı və Xəzər rayonlarının müəllimlərinin iştirakı ilə "Dini təhsil, dini tərbiyə və dünyəvilik" mövzusunda ...

Press-relizlər
28.06.2019 / 15:35
Ətraflı oxu

“Dini radikalizm: İnsan hüquq və azadlıqlarına təhlükə kimi” mövzusunda tədbir baş tutub

Press-relizlər
05.09.2018 / 11:44
Ətraflı oxu

Cəzaçəkmə müəssisələrində maarifləndirmə tədbirləri keçirilib

Press-relizlər
02.02.2019 / 11:35
Ətraflı oxu

Dövlət Komitəsinin sədri ABŞ yəhudi təşkilatlarının nümayəndələri ilə görüşüb

Press-relizlər
30.10.2019 / 15:54
Ətraflı oxu