Qusar rayonunda dini radikalizmlə mübarizəyə həsr olunmuş tədbir keçirilib

Press-relizlər / 23.05.2017 / 09:40

Mayın 22-də Dini Qurumlarla İş üzrə Dövlət Komitəsi və Qusar Rayon İcra Hakimiyyətinin birgə təşkilatçılığı ilə Qusar rayonunun Avaran kəndində dini radikalizmlə mübarizənin yollarına həsr olunmuş seminar – müşavirə keçirilib.
Müşavirədə DQİDK-nın Dini qurumlarla iş üzrə şöbəsinin müdiri Əliheydər Zülfüqarov, eləcə də DQİDK-nın əməkdaşları Anar Əliyev və Vüqar İmamquliyev, Quba bölgəsi üzrə şöbənin müdir müavini Ramin Xudayev, Qusar Rayon İcra Hakimiyyəti başçısı Aparatının İctimai – siyasi və humanitar məsələlər şöbəsinin müdir müavini – dini qurumlarla işin təşkilatçısı Ceyhun Hacıyev, Qafqaz Müsəlmanları İdarəsinin Qusar rayonu üzrə səlahiyyətli nümayəndəsi Fəryaddin Rəhimxanov və ictimaiyyət nümayəndələri iştirak ediblər.
Müşavirəni giriş sözü ilə açan Qusar Rayon İcra Hakimiyyəti başçısı aparatının İctimai – siyasi və humanitar məsələlər şöbəsinin müdir müavini – dini qurumlarla işin təşkilatçısı Ceyhun Hacıyev çıxışında bildirib ki, dini radikalizmin yayılmaması məqsədilə mütəmadi olaraq bu cür tədbirlərin keçirilməsi vacibdir. O qeyd edib ki, Qusar rayonunda da belə tədbirlər planlı şəkildə, tez-tez keçirilir.
DQİDK-nın Dini qurumlarla iş üzrə şöbəsinin müdiri Əliheydər Zülfüqarov geniş məruzə ilə çıxış edib. O bildirib ki, dini radikalizm insanlarda bir anda yaranan hal deyil. Radikallıq uzun illər aparılan təbliğatın nəticəsidir. Radikallığı təbliğ edənlər bu sahədə peşəkarlaşmış və insanlara təsir etmək üsullarını gözəl mənimsəmiş şəxslərdir. Onlar əsasən gənc nəsli özlərinə hədəf olaraq seçməklə yanaşı, dövlət təhsil sisteminə də nüfuz etməyə çalışırlar. Bununla da gələcək üçün təhsilsiz, deyilən hər fikrə inanan bir kütlə formalaşdırmağa can atırlar. Natiq çıxışında radikallıqla mübarizənın ən effektiv yolu kimi güclü təhsil əldə olunmasını göstərərək qeyd edib ki, gənc nəsil həqiqi biliyə və təfəkkürə malik olarsa onları mövhumat və xurafatla yoldan sapındırmaq mümkün olmaz.
Müzakirələrlə davam edən tədbirin sonunda iştirakçıları maraqlandıran suallar da cavablandırılıb.


Son baxılan xəbərlər

AXC-nin yaranmasının 100 illiyi münasibətilə Bakıda tədbirlər keçirilib

Press-relizlər
24.05.2018 / 13:51
Ətraflı oxu

Masallıda “Gənclərimizi zərərli vərdişlərdən qoruyaq” mövzusunda tədbir keçirilib

Press-relizlər
14.11.2016 / 14:38
Ətraflı oxu

Prezident İlham Əliyev Sabunçu rayonunda tikilmiş yeni yaşayış binasının açılışında iştirak edib

Arxiv
25.11.2016 / 11:13
Ətraflı oxu

Prezident İlham Əliyev ATƏT-in Demokratik Təsisatlar və İnsan Haqları Bürosu missiyasının rəhbərini qəbul edib

Press-relizlər
30.03.2018 / 11:06
Ətraflı oxu

Xalqın qürur və iftixar mənbəyi

Xəbərlər
12.12.2019 / 10:15
Ətraflı oxu

Qubada “İslam həmrəylik, bərabərlik dinidir” adlı layihə çərçivəsində yekun tədbir keçirilib

Press-relizlər
04.05.2017 / 12:40
Ətraflı oxu