“Gənclərin zərərli vərdişlərdən çəkindirilməsində milli-mənəvi dəyərlərin rolu” mövzusunda maarifləndirici tədbir keçirilib

Press-relizlər / 11.05.2017 / 15:53

Mayın 11-də Sabirabad rayon Əsgərbəyli kənd şəhid Murad Hüseynov adına tam orta məktəbdə “Milli-mənəvi dəyərlərimiz və müasirlik” layihəsi çərçivəsində “Gənclərin zərərli vərdişlərdən çəkindirilməsində milli-mənəvi dəyərlərin rolu” mövzusunda maarifləndirici tədbir keçirilib.
Tədbirdə Dini Qurumlarla İş üzrə Dövlət Komitəsinin əməkdaşı Tərxan Paşazadə, DQİDK-nın İmişli bölgəsi üzrə şöbəsinin müdiri Cavanşir Bəhrəmov, şöbənin əməkdaşı Elvin İbrahimov, QMİ-nin Sabirabad rayonu üzrə səlahiyyətli nümayəndəsi Ağakərim Sadıqov,  Sabirabad rayon  Əsgərbəyli kəndi “İmam Əli” adına  kənd məscidi dini icmasının sədri  Zakir Əliyev, Əsgərbəyli kənd şəhid Murad Hüseynov adına tam orta məktəbin  direktoru Aysel Vəlizadə, məktəbin müəllimləri, ziyalılar  və  şagirdlər iştirak ediblər.
Tədbiri giriş sözü ilə açan “İmam Əli” adına  kənd məscidi  dini icmasının sədri Zakir Əliyev  layihə barədə məlumat verərək bildirib ki, layihə çərçivəsində sağlam dini biliklərə söykənən maarifləndirmənin aparılması ilə yanaşı, gənclərimizin alkoqolizm və zərərli vərdişlərdən  qorunması, eləcə də milli- mənəvi  dəyərlərin təbliği istiqamətində də tədbirlər həyata keçirilir.
Daha sonra çıxış edən DQİDK-nın əməkdaşı Tərxan Paşazadə milli-mənəvi dəyərlərin qorunmasında dövlət siyasətinin rolu və gənclərin üzərinə düşən vəzifələr haqqında söhbət açıb. Bu dəyərlərin qorunmasının vacibliyindən danışıb. O, gənclərimizin düzgün istiqamətləndirilməsində, onlara mənəvi tərbiyə aşılanmasında ailələrin, təhsil müəssisələrinin, söz sahibi olan insanların, ağsaqqalların, ziyalıların üzərinə  məsuliyyət düşdüyünü qeyd edib. 
QMİ-nin Sabirabad rayonu üzrə səlahiyyətli nümayəndəsi Ağakərim Sadıqov çıxış edərək bildirib ki, cəmiyyətdə mənfi meyillərin aradan qaldırılmasında, milli–mənəvi və əxlaqi  dəyərlərin düzgün şəkildə çatdırılmasında dünyəvi və dini savadlanmanın  rolu  böyükdür.
DQİDK-nın İmişli bölgəsi üzrə şöbəsinin müdiri  Cavanşir Bəhrəmov isə vurğulayıb ki, gənclərin qayğısına qalmaq, onları düzgün istiqamətləndirmək, sağlam mənəviyyatlı vətəndaş kimi yetişdirmək hamımızın borcudur. Bu sahədə vəzifəsindən asılı olmayaraq hər birimiz əlimizdən gələni əsirgəməməli, milli-mənəvi, saf  islami dəyərlər əsasında tərbiyə olunan sağlam əqidəli gənclərin yetişdirilməsi üçün səylərimizi birləşdirməliyik. 
Tədbirin yekununda iştirakçılara layihə çərçivəsində nəşr olunan dini ədəbiyyatlar paylanılıb.


Son baxılan xəbərlər

Dini Qurumlarla İş üzrə Dövlət Komitəsi yanında İctimai Şuraya seçkilər keçiriləcək

Xəbərlər
19.02.2021 / 10:21
Ətraflı oxu

Lənkəranda “Azərbaycanın dövlət-din modeli: əsas istiqamətlər” mövzusunda regional konfrans işə başlayıb

Press-relizlər
05.07.2018 / 16:31
Ətraflı oxu

Prezident İlham Əliyev “Dalğa Beach-Aqua Park” ailəvi istirahət mərkəzinin açılışında iştirak edib

Xəbərlər
26.05.2015 / 17:54
Ətraflı oxu

AXC-nin yaranmasının 100 illiyi münasibətilə Bakıda tədbirlər keçirilib

Press-relizlər
24.05.2018 / 13:51
Ətraflı oxu

Balakəndə “Radikal və ekstremist təmayüllü dini cərəyanların mahiyyəti və gənclərə psixoloji təsir üsulları” ...

Press-relizlər
11.03.2021 / 15:40
Ətraflı oxu

Mingəçevirdə “Dini radikalizm millətimizə və İslam dininə yaddır” mövzusunda tədbir keçirilib

Press-relizlər
18.09.2018 / 16:56
Ətraflı oxu