Masallıda “Narkomaniya və zərərli vərdişlərlə mübarizə yolları” mövzusunda tədbir keçirilib

Press-relizlər / 05.05.2017 / 09:57

Mayın 4-də Masallı Rayon İcra Hakimiyyəti və Dini Qurumlarla İş üzrə Dövlət Komitəsinin təşkilatçılığı ilə Masallı şəhər Heydər Əliyev Mərkəzində “Narkomaniya və zərərli vərdişlərlə mübarizə yolları” mövzusunda maarifləndirici tədbir keçirilib.
Tədbirdə Masallı Rayon İcra Hakimiyyəti başçısının birinci müavini Nadir Abıyev, DQİDK-nın Masallı bölgəsi üzrə şöbəsinin əməkdaşları, Masallı Rayon Polis şöbəsinin rəis müavini, polis polkovniki Polad Qarayev, DTX-nın Masallı Rayon şöbəsinin əməkdaşı Rasim Nəsirov, Qafqaz Müsəlmanları İdarəsinin bölgə qazısı Mirqiyas Təhməzov, rayonun təhsil və səhiyyə işçiləri, ictimaiyyət nümayəndələri iştirak ediblər.
Tədbiri giriş sözü ilə açan Masallı RİH başçısının birinci müavini, Narkomaniya və narkotik vasitələrin qanunsuz dövriyyəsinə qarşı mübarizə üzrə Masallı rayonu Komissiyasının sədri Nadir Abıyev Azərbaycan Respublikasının Prezidenti cənab İlham Əliyevin 24 iyun 2013-cü il tarixli 2966 nömrəli Sərəncamı ilə təsdiq edilmiş “Narkotik vasitələrin, psixotrop  maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018- ci illər üçün Proqramı” barəsində məlumat verərək bu sahədə rayonda görülən işlərdən danışıb. O, bu sahədə görülən işlərin sırasında  DQİDK ilə  aparılan birgə tədbirləri xüsusi vurğulayıb.
DQİDK-nın Masallı bölgəsi üzrə şöbə müdiri Miryəhya Bədirov narkomanlıqla mübarizə sahəsində şöbənin ötən dövr ərzində gördüyü işlərdən bəhs edərək, bölgədəki dini icmalarda keçirilən tədbirlərdən, xüsusilə də sosial layihələr çərçivəsində keçirilən tədbirlərin çoxunun narkomaniya və zərərli vərdişlərlə mübarizəyə həsr edilməsini və həmin tədbirlərin məktəblərdə aparıldığını söyləyib.O, gənc nəslin sağlam tərbiyəsində önəmli rol oynayan narkomaniya və zərərli vərdişlərlə mübarizə işlərinin gündəlik aparılacağını, bu işlərdə milli-mənəvi və dini dəyərlərimizdən daha səmərəli istifadə ediləcəyini deyib.
Masallı Rayon Təhsil Şöbəsinin müdiri Tariyel Əkbərov, Masallı Rayon Polis şöbəsinin rəis müavini Polad Qarayev, QMİ-nin bölgə qazısı Mirqiyas Təhməzov, Masallı Rayon Gənclər və İdman İdarəsinin rəisi Camal Manafov və başqaları mövzu ilə bağlı real vəziyyət və onunla mübarizə yollarından danışıb, təklif və rəylərini bildiriblər.
               


Son baxılan xəbərlər

Lənkərandakı N saylı hərbi hissədə “Hərbi vətənpərvərlik: Silahlı Qüvvələrimiz və milli mənəvi dəyərlərimiz” mövzusunda ...

Press-relizlər
17.08.2018 / 15:26
Ətraflı oxu

Zaqatalada “Azərbaycan gəncliyinin milli-mənəvi dəyərlərdən qaynaqlanan vətən sevgisi” adlı tədbir təşkil olunub

Press-relizlər
10.10.2017 / 16:05
Ətraflı oxu

Şəkidə “İslam həmrəyliyinin Azərbaycanda və dünyada inkişafının əhəmiyyəti” mövzusunda tədbir keçirilib

Press-relizlər
07.04.2017 / 12:37
Ətraflı oxu

Səyavuş Heydərov: "Dini radikal təmayüllərin cəmiyyətdə yer tapması maddi amillərlə də bilavasitə bağlıdır"

Müsahibələr
03.02.2017 / 10:15
Ətraflı oxu

Qubada “Sülh aylığı”na həsr edilmiş tədbir keçirilib

Press-relizlər
05.09.2019 / 17:00
Ətraflı oxu

Multikulturalizm Azərbaycan Respublikasının daxili və xarici siyasətinin mühüm istiqamətidir

Press-relizlər
16.02.2018 / 14:03
Ətraflı oxu