Qobustan qəsəbəsində maarifləndirmə tədbirləri keçirilib

Press-relizlər / 04.02.2017 / 11:15

Fevralın 3-də Dini Qurumlarla İş üzrə Dövlət Komitəsinin (DQİDK) dəstəyi ilə Bakı şəhəri, Qaradağ rayonu, Qobustan qəsəbəsi “Şamlı” məscidi dini icması tərəfindən “Dini ekstremist fəaliyyətə və radikal təsirlərə qarşı mübarizə” layihəsi çərçivəsində maarifləndirici tədbir keçirilib.
Tədbirdə Dini Qurumlarla İş üzrə Dövlət Komitəsinin Bakı şəhəri üzrə şöbəsinin müdiri Anar Kazımov, şöbə müdirinin müavini Ceyhun Əliyev, Dövlət Təhlükəsizliyi Xidmətinin Qaradağ Rayon İdarəsinin şöbə rəisi Əli Tağıyev, “Şamlı” məscidi dini icmasının sədri Qaraoğlan Həsənov, dini icmanın üzvləri, dindarlar və ziyalılar iştirak ediblər.
Tədbirdə “Şamlı” məscidi dini icmasının sədri Qaraoğlan Həsənov dini radikalizmlə mübarizə istiqamətində həyata keçirilən layihəyə görə dövlət qurumlarına öz minnətdarlığını bildirib. Daha sonra DQİDK-nın Bakı şəhəri üzrə şöbəsinin müdiri Anar Kazımov ölkəmizdə dövlət-din münasibətlərinin tənzimlənməsi ilə bağlı görülmüş işlər haqqında geniş məlumat verib. DQİDK-nın Bakı şəhəri üzrə şöbəsinin müdir müavini C.Əliyev isə dini radikalizm və ekstremizmin fəsadları, habelə onunla mübarizə metodları haqqında məruzə ilə çıxış edib.
Tədbirin yekununda dinləyiciləri maraqlandıran suallar cavablandırılıb.
 
***

Fevralın 3-də Dini Qurumlarla İş üzrə Dövlət Komitəsinin (DQİDK) dəstəyi ilə Bakı şəhəri, Qaradağ rayonu, Qobustan qəsəbəsi “Şıxlar” məscidi dini icması tərəfindən “Dini radikalizmin təzahür formaları və onunla mübarizənin əhəmiyyəti” layihəsi çərçivəsində tədbir təşkil olunub.
“Şıxlar” məscidində keçirilmiş tədbirdə Dini Qurumlarla İş üzrə Dövlət Komitəsinin Bakı şəhəri üzrə şöbəsinin müdiri Anar Kazımov, şöbə müdirinin müavini Ceyhun Əliyev, Dövlət Təhlükəsizliyi Xidmətinin Qaradağ Rayon İdarəsinin şöbə rəisi Əli Tağıyev, “Şıxlar” məscidi dini icmasının sədri Nazim Lazımov, dini icmanın üzvləri, dindarlar və ziyalılar iştirak ediblər.
Tədbiri giriş sözü ilə açan N.Lazımov maarifləndirmə layihəsinə verilən dəstəyə görə dövlət rəhbərliyinə təşəkkürünü bildirib. Dini icma sədri maarifləndirmənin böyük əhəmiyyət kəsb etdiyini vurğulayıb.
Daha sonra çıxış edən DQİDK-nın Bakı şəhəri üzrə şöbəsinin müdir müavini C.Əliyev ölkəmizdə 2017-ci ilin Prezident İlham Əliyev tərəfindən “İslam Həmrəyliyi İli” elan edildiyini qeyd edərək, bu addımın İslam dininə və mənəvi dəyərlərə verilən ən böyük qiymət olduğunu diqqətə çatdırıb. Bildirib ki, əsası Ulu Öndər Heydər Əliyev tərəfindən qoyulan milli həmrəylik İslam həmrəyliyinə də dünyada böyük töhfə verməkdədir.
Tədbirin yekununda dinləyiciləri maraqlandıran suallar cavablandırılıb. 
Qeyd edək ki, tədbirlər Prezident İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün imzaladığı Sərəncama uyğun olaraq keçirilir.  


Son baxılan xəbərlər

Mübariz Qurbanlı: "Prezident İlham Əliyevin inkişaf və quruculuq siyasəti ölkəmizə bundan sonra da böyük ...

Müsahibələr
14.01.2019 / 14:53
Ətraflı oxu

Zaqatalada “İslam: ənənə və müasirlik” mövzusunda tədbir keçirilib

Press-relizlər
29.09.2016 / 16:13
Ətraflı oxu

Kürdəmirdə “Vətən sevgisi və şəhidlik” mövzusunda tədbir keçirilib

Press-relizlər
16.01.2020 / 16:10
Ətraflı oxu

Dövlət Komitəsində videokonfrans formatında müşavirə keçirilib

Press-relizlər
19.06.2020 / 15:12
Ətraflı oxu

Balakəndə “Azərbaycanın dövlət-din modeli: əsas istiqamətlər” mövzusunda ikigünlük regional konfrans işə başlayıb

Press-relizlər
30.05.2018 / 14:29
Ətraflı oxu

Dövlət Komitəsində müşavirə keçirilib

Press-relizlər
30.08.2019 / 15:25
Ətraflı oxu