Dini Qurumlarla İş üzrə Dövlət Komitəsi Mətbuat Xidmətinin məlumatı

Açıqlama / 07.12.2016 / 19:19

Dini Qurumlarla İş üzrə Dövlət Komitəsinin sədri Mübariz Qurbanlının Azərbaycan  Dövlət Neft  və Sənaye Universitetində “Fitnə” sənədli filminin nümayişindən sonra tələbələrin suallarına cavab olaraq, ali təhsil ocaqlarında namaz otaqlarının yaradılması ilə  bağlı söylədiyi fikirlər bəzi kütləvi informasiya vasitələrində və sosial şəbəkələrdə təhrif olunaraq mahiyyətinə zidd formada təqdim edilib. Belə ki, Mübariz Qurbanlı ali təhsil ocaqlarında namaz otaqlarının yaradılması ilə bağlı suala cavab olaraq bildirib ki, bu, həm dünyəvi dövlətin qanunları, həm də praktiki baxımdan qeyri-mümkündür. Çünki ali təhsil məktəblərində namaz otaqları yaradılacağı təqdirdə ayrı-seçkilik olmaması üçün digər dinlərin nümayəndələrinə də ibadət otaqları ayrılmalıdır. Bu isə təhsil ocağında müxtəlif dini konfessiyalara məxsus ibadət evlərinin yaradılması demək olardı. Universitetlərin əsas məqsədi ali təhsil vermək, tələbələrin məqsədi isə təhsil almaqdır. İbadət etmək üçün məktəbə yox, məscidə getmək lazımdır.
Tələbələrin ibadət etməsinə gəlincə, bu, hər kəsin şəxsi işidir. Heç kim hansısa tələbənin ibadət etməsinə mane ola bilməz. Hər kəs inancında və ibadətində azaddır. Lakin kimlərsə ali məktəblərdə namaz otağı yaradılacağını və orada birgə (camaat halında) namaz qılınacağını düşünürsə, bu, mümkün deyildir. Camaat namazları yalnız məscidlərdə qılına bilər. Eyni zamanda, namaz vaxtı dərs saatlarına təsadüf etdikdə bu, dərs prosesinin pozulması ilə nəticələnməməlidir.
Təəssüf ki, özünü ilahiyyatçı adlandıran bəziləri məsələnin mahiyyətinə varmadan sosial şəbəkələrdə məsuliyyətsiz çıxışlar edirlər.  

Son baxılan xəbərlər

Cəlilabadda “Vətənpərvərlik nümunəsi: qazilik və şəhidlik” mövzusunda tədbir keçirilib

Press-relizlər
02.03.2018 / 15:40
Ətraflı oxu

Xocalı faciəsinin anım günü ilə bağlı tədbirlər keçirilib

Press-relizlər
26.02.2021 / 11:32
Ətraflı oxu

Zaqatalada “Milli-mənəvi və dini dəyərlərimiz” mövzusunda maarifləndirmə tədbiri keçirilib

Press-relizlər
16.10.2018 / 16:52
Ətraflı oxu

Azərbaycan Respublikası Azərbaycan Xalq Cümhuriyyətinin siyasi və mənəvi varisidir

Press-relizlər
17.09.2018 / 16:33
Ətraflı oxu

Pakistan mətbuatında Xocalı soyqırımının 29-cu ildönümünə həsr olunmuş məqalələr dərc edilib

Press-relizlər
23.02.2021 / 16:17
Ətraflı oxu

Komitə sədri: “Ermənilər Qarabağda Qafqaz Albaniyasına aid abidələri qriqoryanlaşdırmağa çalışıblar”

Xəbərlər
26.02.2021 / 12:39
Ətraflı oxu