Ahıl qadınlar üçün maarifləndirici seminar keçirilib

Press-relizlər / 28.10.2016 / 17:46

Oktyabrın 28-də Ombudsmanın Ahılların Resurs Mərkəzi  və Dini Qurumlarla İş üzrə Dövlət Komitəsinin birgə təşkilatçılığı ilə ahıl qadınlar üçün maarifləndirici seminar keçirilib. Seminarda Ahılların Resurs Mərkəzinin rəhbəri Şövkət Xanməmmədova, Dini Qurumlarla İş üzrə Dövlət Komitəsinin əməkdaşı Əli Həziyev, ARM üzvü olan ahıl qadınlar iştirak ediblər.
Tədbiri giriş sözü ilə açan Ş.Xanməmmədova ahılların hərtərəfli dövlət qayğısı ilə əhatə edildiyini, onların maddi və mənəvi tələbatlarının ödənilməsinin Ümummilli Lider Heydər Əliyevin sosial siyasət kursunun mühüm tərkib hissəsi olduğunu, milli və bəşəri dəyərlərə söykənən bu siyasətin Prezident cənab İlham Əliyev tərəfindən yüksək səviyyədə davam və inkişaf etdirildiyini bildirib.
Dövlət Komitəsinin Dini qurumlarla iş üzrə şöbəsinin əməkdaşı Ə.Həziyev çıxışında Azərbaycanın tarixən çoxkonfessiyalı məkan olduğunu, müxtəlif dinlərin nümayəndələrinin ölkəmizdə özlərinə ömürlük sığınacaq tapdıqlarını bildirərək, hazırda ölkəmizdə bütün dinlərin nümayəndələri üçün lazımi şərait yaradıldığını, dini icmaların dövlət tərəfindən dəstəkləndiyini vurğulayıb.
Natiq çıxışında Azərbaycan dövlətinin formalaşmış din siyasəti, Dini Qurumlarla İş üzrə Dövlət Komitəsinin fəaliyyət istiqamətləri barədə də bəhs edib. Həmçinin Azərbaycandakı dövlət-din münasibətləri, milli-mənəvi dəyərlərin qorunmasında dövlət tərəfindən həyata keçirilən layihələr, dini mərasimlərin keçirilməsində qanunvericiliyin tələbləri barədə tədbir iştirakçılarına məlumat verib.
 Tədbirin sonunda ahılları maraqlandıran suallar cavablandırılıb. 

Son baxılan xəbərlər

Radikalizm müasir gəncliyi dünyəvilikdən, elmi düşüncə və axtarışlardan uzaqlaşdırır

Press-relizlər
21.04.2017 / 18:38
Ətraflı oxu

Bolqarıstanın din xadimləri Azərbaycanın multikultural dəyərləri barədə məlumatlandırılıblar

Multikulturalizm
28.11.2016 / 15:45
Ətraflı oxu

Dini Qurumlarla İş üzrə Dövlət Komitəsində müşavirə keçirilib

Press-relizlər
14.08.2014 / 15:15
Ətraflı oxu

“İşğal altındakı tarixi-dini abidələrimiz” kitabı alman dilində nəşr olunub

Kitablar
09.08.2018 / 16:16
Ətraflı oxu

Mübariz Qurbanlı: Ermənilərin təmir bəhanəsi ilə “Yuxarı Gövhər ağa” məscidinə zərər vurması onların özününkiləşdirmə ...

Müsahibələr
07.10.2019 / 17:36
Ətraflı oxu

Azərbaycan nümayəndə heyəti Vyanada Avstriya hökumətinin və parlamentinin üzvləri ilə görüşüb

Press-relizlər
19.06.2019 / 09:55
Ətraflı oxu