DQİDK hüquq-mühafizə orqanları ilə birgə Kürdəmirdə tədbir keçirib

Arxiv / 19.10.2016 / 16:19

Oktyabrın 19-da Dini Qurumlarla İş üzrə Dövlət Komitəsi, Kürdəmir Rayon İcra Hakimiyyəti, Rayon Polis İdarəsi və Dövlət Təhlükəsizliyi Xidmətinin Kürdəmir Rayon şöbəsinin birgə təşkilatçılığı ilə Kürdəmir şəhərində “Dini radikalizm-dini ekstremizm və onun fəsadları” mövzusunda tədbir keçirilib.
Tədbirdə Kürdəmir Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Elxan Qafarov, DQİDK-nın Ucar bölgəsi üzrə şöbəsinin müdiri Əzim Rəfiyev, Rayon Polis İdarəsinin əməkdaşı Nizami Abbasov, DTX-nın Kürdəmir rayon şöbəsinin əməkdaşı Kamran Dadaşov, rayonun təhsil və mədəniyyət işçiləri iştirak ediblər.
Tədbiri giriş sözü ilə açan Kürdəmir Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Elxan Qafarov dünyada narahatedici məsələlərdən birinin dini ekstremizm olduğunu bildirib. E. Qafarov ekstremizm, terrorizm, narkomaniya və başqa bu kimi cəmiyyət xəstəlikləri ilə mübarizədə cəmiyyətin dəstəyinin vacib rol oynadığını qeyd edib.
Tədbirdə “Müasir dövrdə İslam dünyasında dini radikallığın yaranma səbəbləri və onun fəsadları” mövzusunda çıxış edən DQİDK-nın Ucar bölgəsi üzrə şöbəsinin müdiri Əzim Rəfiyev milli-mənəvi və əxlaqi dəyərlərdən uzaq, sistemləşdirilmiş ideoloji dünyagörüşünə malik olmayan gənclərin sabah nə dövlət, nə cəmiyyət, nə də özləri üçün heç bir fayda gətirə bilməyəcəklərini, yeniyetmələrin taleyinə cəmiyyətin ümumilikdə məsul olduğunu vurğulayıb.
Tədbirdə Dövlət Təhlükəsizliyi Xidmətinin Kürdəmir rayon Şöbəsinin əməkdaşı Kamran Dadaşov “Terrorçuluq və dini ekstremizmə qarşı mübarizənin təşkili” mövzusunda, Rayon Polis İdarəsinin əməkdaşı Nizami Abbasov “Radikalizm və ekstremizmin milli-mənəvi dəyərlərimizə vurduğu ziyan” mövzusunda çıxışlar ediblər.
Tədbir İştirakçıları maraqlandıran sualların cavablandırılması ilə işini yekunlaşdırıb. 


Son baxılan xəbərlər

Prezident İlham Əliyev İranın rabitə və informasiya texnologiyaları nazirinin başçılıq etdiyi nümayəndə heyətini qəbul ...

Xəbərlər
04.12.2018 / 15:23
Ətraflı oxu

“Mədəniyyətlərarası və dinlərarası dialoqda dini kimliyin rolu: Azərbaycan və Belçika modeli” mövzusunda videokonfrans

Xəbərlər
29.06.2020 / 17:01
Ətraflı oxu

Zaqatala rayonunda "Dini radikalizmə qarşı mübarizənin başlıca yolları: nəzəriyyə və təcrübə" mövzusunda seminar-treninq baş ...

Press-relizlər
25.04.2017 / 17:19
Ətraflı oxu

Mehriban xanım Əliyevanın Azərbaycan Respublikasının Birinci vitse-prezidenti təyin edilməsi xalqımız tərəfindən yüksək qiymətləndirilir

Açıqlama
23.02.2017 / 15:04
Ətraflı oxu

9 və 17 saylı cəzaçəkmə müəssisələrində “Azərbaycanda birgəyaşayış ənənələri” mövzusunda tədbir keçirilib

Press-relizlər
24.02.2017 / 15:20
Ətraflı oxu

Zaqatalada maarifləndirmə tədbiri keçirilib

Press-relizlər
09.01.2019 / 14:29
Ətraflı oxu