“The Jewish Press”: Azərbaycan yəhudi-müsəlman münasibətlərinin müsbət nümunəsidir

Multikulturalizm / 10.10.2016 / 12:26

ABŞ-da çıxan “The Jewish Press” nəşrində bu ölkədən olan yəhudi din xadimi Simxi Aaron Qrinin “Azərbaycan və İsrail: yəhudi-müsəlman münasibətlərinin müsbət nümunəsi” sərlövhəli məqaləsi dərc edilib. Məqalədə Azərbaycan ilə İsrail dövlətləri, eləcə də Azərbaycandakı yəhudi və müsəlman icmaları arasında səmimi münasibətlərdən söhbət açılır. Bildirilir ki, bu cür əməkdaşlıq İsrail ilə digər müsəlman ölkələri arasında münasibətlərə nümunə ola bilər.
Müəllif qeyd edir ki, Azərbaycan ilə İsrail arasında xüsusilə energetika və müdafiə texnologiyaları sahələrində strateji müttəfiqlik mövcuddur. İkitərəfli münasibətlərin əlamətdar cəhətlərindən biri İsrail vətəndaşlarının Azərbaycan aeroportuna çatarkən viza almaları faktıdır. İsrail dünyada onun üçün bu cür istisna tətbiq olunan yeganə dövlətlərdən biridir. 1991-ci ildə Sovet İttifaqının dağılmasından sonra Azərbaycanın suverenliyini tanıyan, həmçinin Bakıda səfirlik açan ilk dövlətlərdən biri İsrail olub.
Son illər iki ölkə arasında əməkdaşlıq təkcə təhlükəsizlik sahəsində deyil, həm də energetika, kənd təsərrüfatı, telekommunikasiya, virtual məkan texnologiyaları, inşaat, meliorasiya, tibb və turizm sahələrində genişlənib. İsrail Azərbaycanın beşinci əsas ticarət tərəfdaşıdır. Məqalədə vurğulanır ki, bu gün İsrailin neft idxalının təxminən 50 faizi Azərbaycanın payına düşür. Müdafiə texnologiyaları sahəsində əməkdaşlıq fəal inkişaf edir.
İki dövlət və xalq arasında səmimi münasibəti təsvir edən S.A.Qrin bildirir ki, əhalisinin böyük hissəsi müsəlmanlardan ibarət olan digər dövlətlər Azərbaycandan nümunə götürsəydilər, dünyada pozitiv dəyişikliklər baş verərdi.


Son baxılan xəbərlər

“İnsan Hüquqları Aylığı” çərçivəsində Lənkəranda tədbir keçirilib

Press-relizlər
08.06.2018 / 16:22
Ətraflı oxu

Bakıda “Heydər Əliyev və Azərbaycanda din siyasəti” mövzusunda konfrans keçirilib

Press-relizlər
01.05.2019 / 15:41
Ətraflı oxu

Cənub bölgəsinin din xadimlərinin iştirakı ilə tədbir keçirilib

Xəbərlər
14.08.2020 / 11:59
Ətraflı oxu

Mübariz Qurbanlı: "Cənab Prezident öz çıxışında qeyd etdi ki, biz öz haqq səsimizi hər ...

Xəbərlər
17.03.2020 / 09:25
Ətraflı oxu

Azərbaycan nümayəndə heyəti Vyanada Avstriya hökumətinin və parlamentinin üzvləri ilə görüşüb

Press-relizlər
19.06.2019 / 09:55
Ətraflı oxu

Dövlət Komitəsində görüş keçirilib

Press-relizlər
19.02.2018 / 14:05
Ətraflı oxu