İsveçdə keçirilən görüşlərdə Azərbaycandakı multikultural və tolerant mühitdən danışılıb

Press-relizlər / 14.04.2016 / 18:05

Azərbaycan Respublikası Dini Qurumlarla İş üzrə Dövlət Komitəsinin sədri Mübariz Qurbanlı İsveçə səfəri çərçivəsində Uppsala şəhərində “Beynəlxalq Həyat Sözü” təşkilatının rəhbəri Kristian Akerhielm, habelə “Həyat Sözü” Kilsəsinin rəhbərliyi və icma üzvləri ilə görüşüb.
Görüşdə təşkilatın rəhbəri icmanın fəaliyyəti, beynəlxalq əlaqələri, gördüyü işlər haqqında məlumat verib. O qeyd edib ki, kilsə 1983-cü ildən fəaliyyət göstərir və təkcə Skandinaviya ölkələri deyil, bütün dünya üçün mərkəz rolunu oynayır. Kilsədə uşaq bağçaları və xristian məktəbləri, eyni zamanda, Bibliya məktəbinin fəaliyyət göstərdiyini bildirən Kristian Akerhielm vurğulayıb ki, MDB ölkələrində “Həyat Sözü” Kilsəsinin 200 minə yaxın üzvü və mindən çox kilsəsi var.
İlk dəfə 1994-cü ildə Azərbaycanda səfərdə olduğunu bildirən K.Akerhielm o zaman Ümummilli Lider Heydər Əliyevlə görüşdüyünü və həmin tarixi görüşü böyük məmnunluq hissi ilə xatırladığını qeyd edib. Təşkilatın rəhbəri deyib ki, Ermənistan-Azərbaycan, Dağlıq Qarabağ münaqişəsinin başladığı ilk illərdə onlar Azərbaycanda qaçqın və məcburi köçkünlərə humanitar yardım göstəriblər. O, ölkəmizə səfərləri zamanı Prezident İlham Əliyevin uğurlu daxili və xarici siyasəti nəticəsində Azərbaycanın sürətli inkişafını müşahidə etdiyini, burada bütün dini konfessiyaların birgə sülh və əmin-amanlıq şəraitində yaşadıqlarını vurğulayıb.
Mübariz Qurbanlı Azərbaycanın müstəqilliyini bərpa etdikdən sonra çətin, amma uğurlu inkişaf yolu keçdiyini, Ulu Öndər Heydər Əliyevin başlatdığı siyasi kursun bu gün Prezident İlham Əliyev tərəfindən uğurla davam etdirildiyini, Azərbaycanın Qafqazın ən inkişaf etmiş respublikası olduğunu diqqətə çatdırıb. Komitə sədri bildirib ki, Azərbaycan ənənəvi multikultural və tolerant dəyərlərə malik ölkədir və burada tarixən müxtəlif xalqlar və dinlərə mənsub insanlar qarşılıqlı hörmət və əmin-amanlıq şəraitində birgə yaşayıblar. O qeyd edib ki, Azərbaycan dünyəvi dövlət olmasına baxmayaraq, dini etiqadından asılı olmayaraq bütün vətəndaşlara dövlət tərəfindən diqqət və qayğı göstərilir, hər il dini icmaların fəaliyyətinin yaxşılaşdırılması, dini maarifçilik işinin genişləndirilməsi üçün dövlət tərəfindən maliyyə yardımı ayrılır.
Mübariz Qurbanlı Ermənistan-Azərbaycan, Dağlıq Qarabağ münaqişəsindən bəhs edərək son günlərdə cəbhə xəttində baş verən hadisələr haqqında ətraflı məlumat verib.
Sonra Dövlət Komitəsinin sədri kilsənin sosial işlər üzrə mütəxəssisləri, qaçqınlar üzrə məsul şəxsləri Eva Mobek və Yane Blum ilə görüşüb. Mübariz Qurbanlı kilsə ərazisində olan qaçqın düşərgəsinə gedərək Suriyadan olan qaçqın türkmənlərin yaşayış şəraiti ilə yaxından maraqlanıb.
Dövlət Komitəsinin sədri Uppsala şəhərindəki məscidi ziyarət edərək müsəlman icmasının nümayəndələri ilə də görüşüb.
 
 
 


Son baxılan xəbərlər

Lənkəranda “Həzi Aslanov 111: Vətənin qəhrəman oğlu” mövzusunda onlayn formatda videokonfrans keçirilib

Press-relizlər
22.01.2021 / 10:58
Ətraflı oxu

Ucarda maarifləndirmə tədbiri keçirilib

Xəbərlər
30.09.2019 / 16:28
Ətraflı oxu

XX əsrin dəhşətli faciəsi olan Xocalı soyqırımından 27 il keçir

Xəbərlər
26.02.2019 / 09:54
Ətraflı oxu

Yas mərasimi: necə olmalıdır, necə keçirilir?

Xəbərlər
11.03.2016 / 09:21
Ətraflı oxu

Mənəvi dəyərlərə qayğı dövlət siyasətinin əsas prioritetlərindəndir

Xəbərlər
18.10.2019 / 11:27
Ətraflı oxu

Şirvanda “Dünyəvi dövlətdə din və təhsil” mövzusu müzakirə edilib

Xəbərlər
24.09.2019 / 15:26
Ətraflı oxu